يوميات قصاقيصي

أم بطة: مالك ياخويا مبسوط قوي انك شفتني؟ عجيبة مش عوايدك
أنا (تجاهلت الملاحظة ووجهت ابتسامة ساحرة للأمورة اللي معاها): صباح الخير
الأمورة (بصوت ساحر سابت بعديه كل مفاصلي و قلبي دق ييجي خمسين دقة زيادة): صباح النور
أنا (في سري.. و أكرر.. في سري): تتجوزيني؟
وبسرعة، شفت شريط حياتي في المستقبل بيمر قدامي.. أنا و الأمورة في فرحنا.. شهر العسل على البحر.. أولادنا حسام وماجدة بيجروا قدامنا.. و حسام وقع على الأرض.. و جرينا مع بعض نشيله و احنا بنضحك و حسام قاعد بيعيط
أم بطة (بصوت عالى): نهارك اسود..تتجوز مين؟ دي مخطوبة
أنا: يانهارك انتي اللي مش فايت.. هيه حصلت تعملي هاك على أفكاري.. تاكسي .. المبرة يا أسطى؟