ما وراء الدايت

تعرف إن في البداية أصلًا أنك مش محتاج غير٥-١٠% بس من نزول وزنك، يعني لو وزنك ١٠٠ كيلو أنت محتاج تنزل من ٥ لـ ١٠ كيلو بس، طب ليه؟
لأن نزول الرقم ده بس ليه فوايد صحية كتيرة جدًا عليك ممكن تغير حياتك أصلًا، زي ايه؟
للستات بيقلل نسبة حدوث سرطان الثدي بـ ١٢% عن المعدل الطبيعي.
بيعلي الكولسترول النافع (HDL) ٥ درجات.
لو HDL عند الراجل فوق ٤٠ وعند الست فوق ٥٠ فأنت محصن من أمراض القلب .
لمرضى الضغط نزول ٥% بس من وزنك هيقلل ضغطك ٥ درجات (الضغطين الانقباضي والانبساطي)
لمرضى السكر ٥% نزول من وزنك بيقلل السكر التراكمي نص درجة اللي هو مفعول بعض أدوية السكر أحيانًا.
نزول ٥ % من وزنك لو معاه ممارسة أي رياضة بيزود هرمونات السعادة في جسمك وهايحسن مودك العام.
من ٥ لـ ١٠ % نزول في الوزن بيزود نسبة حدوث الحمل في حالات تأخر الحمل للسيدات اللي عندهم تكيسات.
نزول ٥ كيلو من وزنك بيقلل حدوث التهاب المفاصل لـ٥٠%
بيقلل الالتهابات في الجسم والأعراض المصاحبة لاضطرابات النوم.

يعني مش لازم توصل لوزنك المثالي عشان تعيش حياة أفضل.